በፍም እሳት ማቃመስ

“በፍም እሳት ማቃመስ” (Initiating by Fire) በደራሲና ሐያሲ ያዕቆብ ብርሃኑ የተጻፈ ጥልቅ ፍልስፍናዊና የታሪክ ዳሰሳ መጽሐፍ ነው። መጽሐፉ የሰውን ልጅ ታሪክ እና ሥልጣኔ ከእሳት ግኝት ጋር በማገናኘት በጥልቅ ፍልስፍናዊ እይታ ይተነትናል።

የሰውን ልጅ ከተራ አውሬነት ጎራ ነጥሎ ወደ መለኮታዊነት ያሸጋገረው እሳትን መፈልሰፉ ነበር። እሳትን ካላመደ በኋላ የሰው ልጅ ለሥልጣኔው ምትክ የሌላቸው መሠረቶች የሆኑትን ሦስት የእሳት ግኝቶች ፈለሰፈ፦

1. ምድጃን (Hearth)፦ ሁለንተናዊ ደኅንነትን፣ መረጋጋትን፣ የቤተሰብና የማኅበረሰብ ምሥረታን እንዲሁም የተረቶችና የታሪኮች መፍለቂያ ሆነ።
2. መሰዊያን (Altar)፦ መንፈሳዊ በጎነትንና የዓለም ሃይማኖቶች መነሻን አጎናጸፈ።
3. ማቅለጫን (Forge)፦ የፈጠራ፣ የዕውቀት፣ የቴክኖሎጂና የስልጣኔ መሠረት ሆነ።

ደራሲው የኢትዮጵያን የስልጣኔ ታሪክ በተለይ ከአክሱም ውድቀት በኋላ የነበረውን ሂደት በጥልቀት በመመርመር የጎደለን ነገር ዋነኛው የእሳት ግኝት የሆነው "ማቅለጫው" መሆኑን ይሞግታል።

በመጽሐፉ ውስጥ የተካተቱት 11 መጣጥፎች አንባቢን ከጥንታዊ አፈታሪኮች እስከ ዘመናዊው ዓለም የቴክኖሎጂ ምናብ ድረስ የሚያሻግሩ፣ እውነተኛ የእሳት ንክኪ ያላቸው የልህቀት ሥራዎች ናቸው።

ሁሉንም አስገብተህ ከታች Print Length (ገጽ ብዛት) ከመጽሐፉ አይተህ ካስገባህ በኋላ ከላይ በስተቀኝ በኩል ያለውን Save የሚለውን ቁልፍ ተጫነህ መዝግበው።